БИНХ-аар дараах асуудлуудыг хэлэлцэж шийдвэрлэлээ. Үүнд: 1. Сумын нутаг дэвсгэрийн төлөвлөгөөний явцын мэдээлэл сонсож, төлөвөгөөнд тусгах саналыг баталсан. 2. Атар газраас тариалангийн талбайд шилжүүлэх ажлыг судлах ажлын хэсгийн тайланг хэлэлцэх.

Хоршоо хөгжүүлэх сангийн хяналтын зөвлөл 2025 оны 09 дүгээр сарын 08-ны өдөр хоршоо хөгжүүлэх сангийн хөрөнгөөр хэрэгжүүлэх төслийг сонгон шалгаруулсан хорооны үйл ажиллагаа болон 2024, 2025 онд хөнгөлөлттэй зээлд хамрагдсан хоршоодын зээлийн зарцуулалт, эргэн төлөлтөд хяналт шалгалт хийж ажлын тайлан дүгнэлтийг ИТХ-ын даргад танилцуулсан.

Сумын Засаг даргын захирамжаар байгууллагдсан ажлын хэсэгтэй хамтран хичээлийн шинэ жил эхэлсэнтэй холбогдуулан суманд үйл ажиллагаа явуулж буй хүнс барааны дэлгүүр, төсөвт байгууллагын гал тогоо, цайны газруудад Монгол Улсын Хунсний тухай хууль, Хунсний бутээгдэхууний аюулгуй байдлыг хангах тухай хууль, Хэрэглэгчийн эрх ашгийг хамгаалах тухай хууль, Гэмт хэрэг, зөрчлөөс урьдчилан сэргийлэх тухай хууль, MNS 5021-1:2019 стандартын хэрэгжилт мөн сумын нутаг дэвсгэрт согтууруулах ундаа худалдах, түүгээр үйлчлэх цэг салбарын үйл ажиллагаанд хяналт шалгалтыг зохион байгуулж ажиллалаа.

Сургуулийн орчинд худалдаалахыг хориглосон хүнсний бүтээгдэхүүний жагсаалт эцэг эх, асран хамгаалагчид та бүхэн үр хүүхдийнхээ худалдан авч буй хүнсэнд хяналт тавьж доорх бүтээгдэхүүний хор, нөлөөг бяцхан үрдээ тайлбарлаж өгөөрэй.

2025.07.08-2025.07.09 Сумын баяр наадмын өдрүүдэд түргэн хоолоор үйлчлэх болон худалдаа үйлчилгээ эрхлэх иргэд дараах шаардлагыг хангасан байна. ✅Худалдаа, түргэн хоолны үйлчилгээ эрхлэгчид ЗӨВШӨӨРӨЛ авахдаа өдрийн 30,000 төгрөгөөр тооцож төрийн сангийн суутган татварын MN300090100142400911 тоот дансанд хураамжаа төлөөд /гүйлгээний утга: нэр ,утасны дугаар ,үйл ажиллагааны чиглэл / баримтаа авч ирэн зөвшөөрлөө авна. ✅Хог хаягдлыг ачих тээвэрлэх зардал болох 5,000 төгрөгийг худалдаа үйлчилгээ, хэв журмын комиссын ахлагч Б.Амаржаргал-д хураалган зөвшөөрлөө авна.

Бурхантай нуурын Луваанжалбуу бурхан, овооны уламжлалт тахилга, наадамтай хамтатган сумын иргэдийн Төлөөлөгчдийн Хурлын Төлөөлөгчдийн өдөрлөг Зуны тэргүүн сарын шинийн 9ны Дашнямтай, лусын буулттай билэгт сайн өдөр буюу 2025 оны 06 дугаар сарын 04-ны өдөр боллоо. Өдөрлөгийн үеэр үндэсний бөхийн барилдаан, 13-18, 12-оос доош насны өсвөрийн бөхийн барилдаан, Цай чанах ёс тэмцээн, 108 ээжийн дээж өргөх ёслол, шинэ номын худалдаа, Адуучин тэмцээн, даага, шүдлэн нас, унаа морьдын уралдаан, эрүүл мэндийн үзлэг оношлогоо, байгууллага сурталчлах үйл ажиллагаа, урлаг соёлын үзүүлбэр зэрэг олон арга хэмжээ амжилттай болж өндөрлөлөө.

Бурхантай нуурын Луваанжалбуу бурхан, овооны уламжлалт тахилга, наадамтай хамтатган сумын иргэдийн Төлөөлөгчдийн Хурлын Төлөөлөгчдийн өдөрлөг Зуны тэргүүн сарын шинийн 9ны Дашнямтай, лусын буулттай билэгт сайн өдөр буюу 2025 оны 06 дугаар сарын 04-ны өдөр болно. Иргэд та бүхэн өргөнөөр оролцож багаасаа сонгогдсон төлөөлөгчидтэй уулзаж, сонирхсон асуултаа асууж, санал хүсэлтээ хэлнэ үү. Тус өдөрлөгт ЗДТГ, төсөвт байгууллагуудын мэргэжилтэн, албан хаагчид оролцоно.

Олон Улсын Хүүхдийн эрхийг хамгаалах өдрийг тохиолдуулан сумын иргэдийн Төлөөлөгчдийн Хурлаас "Дээлтэй Монгол" 2-4 насны үндэсний хувцастай хүүхэд шалгаруулах тэмцээнийг амжилттай зохион байгуулж, оролцсон нийт хүүхдүүдэд талархал, гарын бэлэг гардууллаа.

Төв аймгийн Цээл сумын иргэдийн Төлөөлөгчдийн Хурлын ээлжит 4 дүгээр хуралдаан 2025 оны 5 дугаар сарын 28-ны өдөр хуралдаж дараах 9 асуудлыг хэлэлцлээ. 1.2024 оны орон нутгийн төсвийн гүйцэтгэлийг батламжлах. 2.2024 оны орон нутгийн тусгай сангуудын бүрдүүлэлт зарцуулалтын тайланг хэлэлцэн үнэлэлт дүгнэлт өгөх 3.Эргэлтийн эмийн сангийн 2024 оны санхүүгийн болон үйл ажиллагааны тайланг хэлэлцэж дүгнэлт өгөх. 4.Орон нутгийн өмч хөрөнгийн тайлан, нэгдсэн тооллогын дүнг хэлэлцэж, дүгнэлт өгөх 5.Соёлын төвийн номын сангийн үйлчилгээг олон нийтэд хүргэх төлөвлөгөө, хөтөлбөрийн 2024 оны тайланг хэлэлцэж, үнэлэлт дүгнэлт өгөх 6.Төсөвт байгууллагуудын хөрөнгө өөрчлөлтийн тухай шийдвэр гаргах. 7.”Хөгжсөн багшаас чадварлаг сурагч” хөтөлбөрийн хэрэгжилтэд үнэлэлт дүгнэлт өгөх 8.Сумын 50 жилийн ойг угтсан 50 бүтээлч ажлыг батлах. 9.ОНХС-ын хөрөнгөөр хийгдэх төсөл арга хэмжээний жагсаалтад өөрчлөлт оруулах тухай Тус хуралдаанаар сумын 50 жилийн ойг угтсан бүтээн байгуулалтын болон бусад ажлуудыг зохион байгуулах зорилгоор тариалангийн газар, хадлангийн газар эзэмшигч иргэн, ААН-үүд, мал бүхий иргэд, малчид, Цээл суманд амьдарч буй болон ажиллаж амьдарч байсан иргэдээс хандив, дэмжлэг авах тухай хэлэлцлээ.

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хууль, Төрийн хяналт шалгалтын тухай хууль болон бусад хууль, тогтоомжийг хэрэгжилтийг хангуулах, төрийн болон төсөвт байгууллагын үйл ажиллагаа, үйлчилгээний стандарт, чанар хүртээмжийг сайжруулах, албан хаагчдын сахилга хариуцлагыг дээшлүүлэх, төсвийн хөрөнгийг зөв зохистой зарцуулах, орон нутгийн өмчийн удирдлагыг хэрэгжүүлэх зорилгоор Иргэдийн Төлөөлөгчдийн Хурал, Засаг даргын Тамгын газрын хамтарсан ажлын хэсэг төсөвт байгууллагууд, худалдаа, үйлчилгээний байгууллагуудаар хяналт шалгалт хийлээ. Тус ажлын хүрээнд байгууллагуудын үйлчилгээ, албан хаагчдын харилцаа, ёс зүйн талаар цахим судалгаанууд авагдана. Эхний удаа ЗДТГ-ын үйл ажиллагааны тухай судалгаа авч байгаа тул та бүхэн доорх линкээр орж судалгаанд хамрагдана уу. https://forms.gle/fH8uTFt6yoByM1Ty9

Гэмт хэрэг, зөрчлөөс урьдчилан сэргийлэх тухай хуулийг иргэд, залуучуудад сурталчлах, өсвөр үеийнхэнд гэмт хэргээс урьдчилан сэргийлэх үзэл санааг төлөвшүүлэх, хуулийн мэдлэг ойлголтыг нэмэгдүүлэх зорилгоор зохион байгуулагдаж байгаа Төв аймгийн аварга шалгаруулах “Өсвөрийн сэргийлэгч 2025-Хуулиа дээдлэе” тэмцээний хойд бүсийн 7 сумдын тэмцээн өчигдөр буюу 2025.04.22-ны өдөр Борнуур суманд амжилттай зохион байгуулагдлаа. Тус тэмцээнд манай Цээл сумын ЕБС-ийн 8-11 дүгээр ангийн 8 сурагчийн бүрэлдэхүүнтэй "Сэрэмжит сахиул" баг амжилттай оролцож 3 дугаар байр эзэллээ. Оролцсон сурагчид, бэлтгэсэн багш, албан хаагчиддаа баяр хүргэж, ажил амьдрал, сурлага хөдөлмөрт нь өндрөөс өндөр амжилтыг хүсье.

ТӨВ аймагт бүртгэлтэй Жижиг дунд үйлдвэр эрхлэгч аж ахуй нэгж, компаниуд нь ЖДҮ-г хөгжүүлэх сангаас олгогддог ЖИЛИЙН 5%-ИЙН ХҮҮТЭЙ , 5 хүртлэх жилийн хугацаатай хөнгөлөлттэй зээлд хамрагдах төслийн материал дахин илгээх АЛТАН боломж дахин зарлагдлаа. Дэлгэрэнгүй мэдээллийг сумын ХЖДҮХХМ Б.Амаржаргалаас авна уу. /Жич: Энэ зээлд хувь иргэн оролцох боломжгүй!/

Жил бүрийн гуравдугаар сарын дөрөв дэх долоо хоногийн пүрэв гарагт Зарлан мэдээллийн дуут дохиогоор ажилладаг уламжлалтай. Үүний дагуу өнөөдөр буюу 2025 оны 03 дугаар сарын 27-ны пүрэв гарагийн 16:00 цагт орон даяар гамшгийн аюулын дуут дохио дуугарна. Иймд иргэд та бүхэн айж сандралгүй тайван байж, дадлага сургуульдаа идэвхтэй оролцохыг уриалж байна. 1.Нэгдэх дохио дуугарахад иргэн та “суу, нүүгд, хүлээ” гэсэн дүрмийг баримталж, аюулгүй байдлаа хангаж түр хүлээнэ үү. Хэрэв та гудамжинд явж байвал, гэрэлтүүлэг, цахилгааны тулгуур багана, өндөр барилга, байгууламж зэргээс холдож биеэ хамгаалан сууж түр хүлээнэ үү. Тээврийн хэрэгслээр явж байгаа тохиолдолд замаас гарч, тээврийн хэрэгслийг унтрааж түр хүлээнэ үү. 2.Хоёр дахь дохио дуугарахад яарч сандралгүй нэгийн цуваанд орж баруун гар талаа барьж, “гүйхгүй, эргэж буцахгүй, нэгнээ түлхэхгүй” гэсэн дүрмээ баримталж, байгаа газраасаа гарч, аюулгүй талбайд цугларна уу. Гарахдаа цахилгаан шат ашиглахгүй байхыг анхааруулж байна. 3.Гурав дахь дохио дуугарахад та өөрийн харьяаллын засаг захиргааны нэгж болон байгууллагынхаа холбогдох албан тушаалтанд бүртгүүлж, дадлага, сургуульдаа идэвхтэй оролцоорой. 4.Гамшгийн аюулын тухай зарлан мэдээллийн дохиогоор ажиллах дадлага сургуульд ард, иргэд та бүхнийг идэвхтэй оролцож, гамшгийн үеийн дуут дохио дуугарсан үед авах арга хэмжээний талаарх мэдлэгээ бататгахыг уриалж байна.

Сумын иргэдийн Төлөөлөгчдийн Хурлын 3 дугаар хуралдаанаар хоршоо хөгжүүлэх сангийн төсөл хүлээн авах хугацааг 2025 оны 04 сарын 15-ны өдрөөр товлон тогтоолоо. Сумын хоршоог хөгжүүлэх сангаас олгогддог жилийн 3% хүүтэй 60 хүртлэх сарын хугацаатай хөнгөлөлттэй зээлд хамрагдах хүсэлтэй ХОРШООД 2025.04.15-ны 18:00 цаг хүртэл ТӨСЛӨӨ ЗДТГ-н ХЖДҮХХ Б.Амаржаргалд өгнө үү. Дэлгэрэнгүй мэдээллийг ☎️99130510

Монголын цэргийн өдөр - Монгол улсын орчин цагийн Зэвсэгт хүчин байгуулагдсан өдөр. 1921 оны 3 дугаар сарын 18-ны өдөр жанжин Дамдины Сүхбаатарын байгуулан удирдсан Ардын цэрэг Хиат хотыг чөлөөлжээ. Цэргийн явдлын яамны сайд, Бүх цэргийн жанжин Маршал Хорлоогийн Чойбалсан Монгол Ардын хувьсгалт цэргийн ойн баярын өдрийн тухай тогтоол гаргах хүсэлт тавьсаны дагуу БНМАУ-ын Бага хурлын тэргүүлэгчдийн 1946 оны тавдугаар сарын 28-ны өдөр хуралдсан 32 дугаар хурлаар Монгол Ардын хувьсгалт цэргийн баярын өдрийг тэмдэглэх тухай хэлэлцэж Монгол Ардын журамт цэрэг Хиагт хотыг чөлөөлж анхны ялалтаа байгуулсан гуравдугаар сарын 18-ны өдрийг “Хувьсгалт цэргийн баярын өдөр” болгон жил бүр улс нийтээр ёслон тэмдэглэх тогтоол гаргаж, энэ өдрийг цэргийн алба хаагчдын амралтын өдөр болгох болжээ. Харин 2003 оны арван хоёрдугаар сарын 18-нд Монгол Улсын УИХ-аас батлан гаргасан Нийтээр тэмдэглэх баярын болон тэмдэглэлт өдрүүдийн тухай хуулиар гуравдугаар сарын 18-ныг “Зэвсэгт хүчний өдөр” хэмээн тэмдэглэх болсон байна. 2011 онд “Нийтээр тэмдэглэх баярын болон тэмдэглэлт өдрүүдийн тухай хууль”-ийн 5.1.2-ын “Зэвсэгт хүчний өдөр” гэснийг “Монгол цэргийн өдөр” болгон нэмэлт өөрчлөлт оруулжээ.

Сумын Иргэдийн төлөөлөгчдийн ээлжит 3 дугаар хуралдаан өнөөдөр хуралдаж дараах 13 асуудлыг хэлэлцлээ. 1. Сумын Иргэдийн Төлөөлөгчдийн Хурлын хороодын бүрэлдэхүүн, хороодын ажиллах журмыг батлах тухай 2. Сумын Иргэдийн Төлөөлөгчдийн хурлын зөвлөлийн бүрэлдэхүүнийг шинэчлэн батлах тухай 3. 2025 оны иргэдийн Төлөөлөгчдийн Хурлын хуралдаанаар хэлэлцэх асуудлууд, хяналт шалгалт хийх ажлын төлөвлөгөө батлах тухай 4. Сумын Засаг даргын 2025-2028 онд хэрэгжүүлэх үйл ажиллагааны хөтөлбөрийн төлөвлөгөө батлах тухай 5. Хүний эрх, жендерийн эрх тэгш байдлыг хангах салбар зөвлөлийн 2025 оны төлөвлөгөө баталах тухай 6. Хүүхдийн төлөө зөвлөлийн бүрэлдэхүүнийг шинэчилж, 2025 оны төлөвлөгөө батлах тухай 7. Сумын хамтарсан багийн бүрэлдэхүүнийг шинэчлэн батлах тухай 8. Хоршоо хөгжүүлэх сангийн төсөл сонгон шалгаруулах хороо, хяналтын зөвлөлийг шинэчлэн байгуулах 9. Хоршоо хөгжүүлэх сангийн төсөл сонгон шалгаруулах тов тогтоох тухай 10. Хэрэглэгчдийн эрхийг хамгаалах талаар баримтлах 2025 оны төлөвлөгөө батлах тухай 11. Сумын мал амьтаныг шимэгчтэх өвчнөөс сэргийлэх 2025 оны үйл ажиллагааны төлөвлөгөө батлах тухай 12. Атар газраас тариалангийн талбайд шилжүүлэх судалгааны ажлын хэсэг байгуулах тухай 13. Монгол сувд сүмийн тухай асуудал Мөн хуралдааны үеэр Хурлын төлөөлөгчдөд төлөөлөгчийн энгэрийн тэмдэг, үнэмлэхийг гардуулан өглөө.