Сумын иргэдийн Төлөөлөгчдийн Хурлын санаачлагаар Ану-сервис ХХК-д санал тавьсны дагуу тус компани Ерөнхий боловсролын сургуулийн цагаан байрны урд корпусын 4 анги, 5 өрөө, жижиг заалны халаалтын сангийн холболтын системийг засварлаж хүлээлгэн өглөө. Энэ ажлын хүрээнд халаалтын дээд, доод ерөнхий шугамыг шинэчилж, 22ш паар угааж, ангид нэмэлт 1 паар, узельд 8ш хуваарилагч суурилуулан, ерөнхий шугамд 2ш, паарнуудад тус бүр 2 буюу 44 ш хаалт хийж өглөө. Мөн жижиг заалны паарны 40% огт халдаггүй байсныг нэмэлт шугам тавьж 100% халдаг болгосон байна. Эдгээр ажлын үр дүн халаалт ирэх үед бүрэн үнэлэгдэх бөгөөд сурагчдын суралцах орчин нөхцлийг сайжруулж, дулаан байранд хичээллэх боломжийг бүрдүүлэн, 100% өөрийн хөрөнгөөр  засвар үйлчилгээ хийсэн Наранхүү захиралтай Анусервис ХХК-ны хамт олонд ажлын өндөр амжилт хүсэж, сумын нийт иргэдийнхээ өмнөөс талархаж байгаагаа илэрхийлье.